Þegar fólk verður þunglynt kemur það oft ekki auga á vandamál sem það hefur getað leyst með góðum árangri áður fyrr. Að sama skapi gleymir það gjarnan hæfni sinni og getu sem gæti komið að notum við að leysa úr yfirstandandi erfiðleikum. Okkur hættir til að einblína á mistökin og veikleikana. Sumir eiga jafnvel erfitt með að rifja upp einn einasta styrkleika eða hæfileika í fari sínu. Það er þýðingarmikið að hafa myndina af sjálfum sér í raunsæju jafnvægi. Auðvitað er margt sem þú ert ekki mjög fær í að gera, hlutir sem þú sérð eftir og ýmislegt í fari þínu sem þú vildir gjarnan breyta. En hvað með hina hliðina. Þú ert góður í einhverju, hvað er það? Hvað kanntu vel við í fari þínu þegar þú ert ekki þunglyndur? Hvað metur annað fólk við þig? Hvernig hefurðu glímt við aðra erfiðleika í lífinu með árangri? Hvaða hæfni, aðstöðu og möguleika getur þú nýtt núna sjálfum þér til framdráttar?

DÆMI