Varðandi HAM-námskeið þá bjóðum við upp á HAM-meðferð í hóp um það bil tvisvar á ári. Við tökum á móti beiðnum frá læknum um endurhæfingu á geðheilsusviði Reykjalundar og það er fólk á þessum biðlista sem við bjóðum upp á slíka meðferð, ef við teljum það vera endurhæfingu við þeirra hæfi. Þetta er tilboð sem felur í sér ýmislegt fleira s.s. líkamsrækt, námsskeið í slökun og streitustjórnun o.fl. og tekur 2 daga í viku í 6 vikur.

HAM bókina er hægt að kaupa í Bóksölu stúdenta og hún á líka að vera til í Eymundsson. Það má líka panta hana héðan frá Reykjalundi, en þá bætist sendingarkostnaður við. Sjá nánar: www.ham.reykjalundur.is/forsida

Bókin er byggð á meðferðarhandbók í hugrænni atferlismeðferð, sem hefur verið að þróast hér á geðheilsuviði Reykjalundar í vel rúman áratug. Höfundur meðferðarinnar er í upphafi Aaron T. Beck, en síðan hafa mjög margir skrifað og bætt við nálgunina og við höfum því sótt í smiðju margra við gerð þessarar bókar. Sjá nánar: www.ham.reykjalundur.is/medferdarhandbok/formali og www.ham.reykjalundur.is/medferdarhandbok/inngangur

Það fer eftir því hvaða heimildaskráningarkerfi eru notuð en skv. APA kerfinu er það:
Inga Hrefna Jónsdóttir, Rósa María Guðmundsdóttir, Vera Siemsen og Þórunn Gunnarsdóttir (2017) (Ritstj.). HAM: Handbók um hugræna atferlismeðferð (8. útgáfa). Mosfellsbær: Reykjalundur endurhæfingarmiðstöð. www.ham.reykjalundur.is

Það á að vera hægt að smella á hnapp efst á hverri síðu sem heitir Láttu lesa fyrir þig en sumir lenda í vandræðum vegna þess að vafrinn eins og Internet Explorer 8 birtir þetta ekki. Þú gætir prófað að opna síðuna í öðrum vafra t.d. Firefox en það er hægt að hlaða hann niður ókeypis á netinu og undir fyrirsögninni á merkið að birtast Láttu lesa fyrir þig.

Já, það er hægt að hlaða niður allri bókinni  með einni hljóðskrá sem er staðsett strax á eftir 12. kafla undir flipanum Meðferðarhandbók og heitir Hljóðskrá. Þar eru leiðbeiningar um hvernig er best að hlaða skránni niður.

Nei, það er ekki hægt. Þú getur auðveldlega prentað út öll verkefnablöðin eftir þörfum en textann er ekki hægt að prenta út.

Nei, aðgangurinn að vefnum er ókeypis. Bókin sjálf (prentuð) er hins vegar til sölu á Reykjalundi og í bóksölum. Einnig er hægt að panta bókina hér á vefnum (forsíða) og fá hana senda. Það er hægt að panta bara textabókina, bara verkefnaheftið eða bæði saman.